Burela

Xeoloxía na Igrexa de Coedo

Nesta zona do Perdouro podemos atopar espectaculares estruturas de Formación Candana, as dobras que presentan os materiais cuarcíticos e que se poden visualizar no apartado Zona xeolóxica do Perdouro. Estes materiais están intensamente dobrados como consecuencia dun proceso de deformación de tipo comprensivo que tivo lugar ao longo de varias fases e que se coñece como oroxenia hercínica ou varisca. A etapa máis intensa desta formación coincide co Período Carbonífero, que comprende entre os 360 e os 290 millóns de anos.

Nas catro primeiras imaxes pártese dunha panorámica da zona para ir achegándose cada vez máis ás formacións que destacan na paisaxe.

A quinta imaxe mostra con detalle as incrustacións de cuarzo na cuarcita. As cuarcitas corresponden a un ambiente de praia, areas de cuarzo. A partir dunha fractura nas cuarcitas circula un líquido hidrotermal que ascendeu desde o interior da terra cargado de cuarzo. Por presión do fluído vai aumentando a fractura da cuarcita, vaina abrindo e cada vez se introduce máis fluído cargado de cuarzo que se vai solidificando e aumentando a fractura ata formar un filón.

A partir da sexta imaxe pódese observar como as incrustacións de cuarzo, material moi duro pero moi fráxil, sometidas á acción erosiva do mar acaban por modelar o territorio e ofrecer as fermosas formacións da denominada igrexa de Coedo.

Igrexa, polos fermosos arcos esculpidos polo mar nun filón de cuarzo, a modo de cúpula. Coedo, semella derivar de coído, nome de pequena enseada con cantos redondeados pola acción do mar.

A última permítenos admirar a beleza da estampa que xorde do baile entre os astros e a Terra.

Turismo Burela

Turismo Galicia

Concello, Comarca ou Provincia

Zona Xeolóxica do Perdouro

Galipedia

Burela é un enclave xeolóxico privilexiado. Ten declarado, na zona da Marosa, un punto de interese nacional, e outro de interese internacional, na zona de Castrelo-Perdouro.

Na zona de Castrelo, antiga praia e hoxe parte do peirao sur do porto de Burela, conflúen a Rasa Cantábrica eo chamado Batolito de San Cibrao-Burela e conforman un punto de interese xeolóxico a nivel internacional.

A Rasa Cantábrica é unha zona achaiada existente entre o mar e os montes da Cordilleira Cantábrica. Comeza en Cantabria e remata en Burela. A Rasa está formada por cuarcitas de entre 570 e 540 millóns de anos.

O Batolito de San Cibrao-Burela é unha enorme masa de granito que ocupa a zona norte de Lugo, desde Burela á ría de Viveiro. O granito que se atopa en Castrelo é o denominado granito de dúas micas de gran grosor. A súa orixe está en relación coa oroxenia hercínica.

Nesta zona podemos atopar espectaculares estruturas de Formación Candana, as dobras que presentan os materiais cuarcíticos. Estes materiais están intensamente dobrados como consecuencia dun proceso de deformación de tipo comprensivo que tivo lugar ao longo de varias fases e que se coñece como oroxenia hercínica ou varisca. A etapa máis intensa desta formación coincide co Período Carbonífero, que comprende entre os 360 e os 290 millóns de anos.

Concello, Comarca ou Provincia

Porto de Burela

A costa galega posúe unha extensión aproximada de 1.720 km, dos cales uns 800 km son de cantís e 300 km de praias; ao longo de toda ela distribúense 128 portos.
O porto de Burela, que chegou a ser o segundo porto pesqueiro do cantábrico, despois do de Bermeo, iniciouse na Idade Media e ata o século XVIII como porto baleeiro. No s. XX aséntanse as bases do porto actual, que foi construído en varias fases. De feito o segundo martelo realizouse no 2020.
A flota pesqueira diminuíu considerablemente. A principios do 2019 constaba de 77 embarcacións, das cales 5 faenan no caladoiro internacional, 20 no comunitario e 52 no nacional. As especies que predominan son a pescada e o bonito.
O dique de abrigo ten máis de 1100 m e ten encostado un dos peiraos, o outro está en paralelo, “mar por medio”. Ademais da actividade pesqueira tamén se dedica á actividade comercial, especialmente carga de madeira e á construción e mantemento de embarcacións, no estaleiro e varadoiro.

 

Concello, Comarca ou Provincia

Burela


Casa do Concello

Eijo Garay, Nº20. 27880 Burela (Lugo) Teléfono 982-586000 / Fax 982-585945 correo-e burela@burela.org

Datos 2019

Alcalde Llano García, Alfredo (PSdeG-PSOE)

2019 Censo: 9566 Superficie (km2) 7.3 Entidades de poboación 1

Galipedia

Web do concello

Galería de imaxes de Burela

Casa do Concello de Burela

Capitanía, Centro de saúde, Casa da cultura, Casa do mar

Parque

 

Estación

Concello, Comarca ou Provincia
Subscribe to Burela