27469 Sober (Lugo)
Parroquia: Gundivós (Santiago). Lugar: A Airexa. 27469 Sober - Lugo
Igrexa e cruceiro do século XVII, de estilo gotico tardío. O retablo data de 1733 e é de estilo neoclásico.
.jpg)
.jpg)
.jpg)
.jpg)
.jpg)
27460 Sober (Lugo)
A Igrexa de Santa María de Proendos é un exemplar do románico rural do século XII que conserva na capela maior unhas interesantes pinturas do XVI.
A ábsida
O único que queda do románico vai ser a ábsida e como podedes ver o acceso á ábsida faise a través dun arco triunfal apoiado en 2 capiteis nos que uns historiadores ven decoración vexetal e outros decántanse por ver, no da esquerda, o pan eucarístico e, no da dereita, o báculo e a mitra bispal. Unha das columnas é de mármore e posiblemente provén do xacemento romano que existía nese lugar.
Exterior
Interior
Pedra fundacional
O bispo ou o seu delegado virían para certificar a construción e enterraríase no chan a pedra fundacional sobre a que comezaría a construción da Igrexa. Pénsase que foi atopada nunha restauración e colocada na parede da igrexa.
27423 Sober (Lugo)
1-Igrexa. Pertenceu ao antigo mosteiro de monxas benidictinas. Foi abandonado a raíz da reforma ordeada polos Reis Católicos a principios do s. XVI. Presenta patróns do tardorrománico, do gótico temperán e da linguaxe do Cister.
2-Porta Sur. Entrada lateral formada por arcos apuntados. Consta de 3 arquivoltas decoradas con flores de 3 pétalos -significado divino do 3, a trindade- .Na interior ten flores de 4 pétalos con botón central.
As arquivoltas apóianse en capiteis historiados. No da parte exterior da dereita o arcanxo San Miguel loita cunha lanza contra o dragón. Escena do Apocalipse de San Xoán que relata a loita de San Miguel contra os anxos caídos, o diaño representado polo dragón. O capitel central con decoración vexetal e, no interior dereita representa dous dragóns pelexando.
Á man esquerda vemos os centauros, seres mitolóxicos que convidan a deixar a soberbia e a luxuria fóra antes de entrar ao templo. Os capiteis centrais con decoración vexetal que recorda á escola do Mestre Mateo, influencia que se recibe polo camiño de Santiago. O capitel interior, con dúas pombas que se están alimentando dunha froita, representa ao fiel que participa na eucaristía. A pomba tamén representa ao bo cristián e a pureza.
3-Fachada Porta Oeste. O oeste representa as tebras, a escuridade... o que hai que deixar para entrar no sagrado. Os capiteis presentan motivos vexetais.
A arquivolta exterior ten decoración en punta de diamante ou cravos, tamén moi típica na catedral de Santiago, repítese despois a decoración da porta sur coas flores de 3 pétalos e na arquivolta interior parecen boliños de pan, que representan a eucaristía.
A ventá é tipicamente gótica.
A espadana xa é do século XIX e substitúe á antiga torre románica.
A portada sobresae da fachada.
4-Ménsulas Tetramorfas. Esta iconografía é moi curiosa e realizadas por distintos autores.Representan aos catro evanxelistas. Nesta imaxe vemos o león -Marcos-.
O Anxo -Mateo-.
A aguia -Xoán-.
O Toro -Lucas-.
5-Bóveda retablo pinturas. Ten restos de pinturas do s. XVI que representan o xuízo final pero o cabalo é un resto de pinturas anteriores.
A cuberta con dous nervios. A ábsida é testeiro plano e o retablo do s. XVIII. 
6-Capela dos Anxos. Situada nas proximidades do templo ten unha lauda sepulcral reutilizada como dintel da porta. 
7-Cruceiro
27422 Sober (Lugo)