Conxunto de vivendas (Cascos históricos, barrios, aldeas)

EDICIÓN: DIEGO MÉNDEZ / TEXTO: IVÁN CARBALLO

O edificio do concello de Becerreá foi construído de novo, porque o vello edificio foi derruido a causa de un accidente. O 5 de outubro do 1968 é una data negra na historia do pobo. Un camión quedou sen freos e empotrouse nun dos bares da praza, o bar Serrano. Eran as 21:30 e había xente botando a partida, morreron tres persoas o camioneiro e dous veciños; ademais de outros 7 feridos.

Decidiuse cambiar o trazado da nacional para quitar unha curva moi perigosa no medio do pobo, con este obxectivo demoléronse todos os edificios da praza, e mesmo o do concello que foi derruido no ano 73 ou 74. O novo concello foi construído no ano 83; a fachada principal ten una orientación diferente hacia a nova nacional.

 FOTO JAUJA. Edificio actual do concello coa vista da praza.

FOTO: COLECIÓN CONCELLO. Edificio antigo do concello; vese o supermercado que había na praza e nun segundo plano casas da rúa Eulogio Rosón.

FOTO: JAUJA. Vistra dende a antiga nacional cara o novo concello. É unha fachada secundaria pero que se considera a fachada principal

FOTO: COLECIÓN CONCELLO. A antiga fachada miraba o norte

FOTO: COLECIÓN CONCELLO. Antiga praza do concello: o edificio dos 3 arcos era o Bar Plaza, acontinuación o Bar Serrano xa vallado a causa do accidente.

TEXTO: DEIROS/ M. ÁNGEL. A foto antiga foi tomada a finais dos anos setenta; podemos observar que o Bar París ten o mesmo aspecto que hoxe. Houbo un accidente importante, sen vítimas: un Seat 850 empotrouse no bar, algo habitual daquela na carretera xeral. Na imaxe saen numerosos curiosos, algúns coñecidos veciños de Becerreá. O bar París levaba apenas un mes aberto polos mesmos donos que tiñan antes unha mercería, rexentada pola señora Maruxa. A causa de aquel accidente, os propietarios modificaron a entrada e o escaparate: na foto antiga vese que a porta estaba a un lado (esquerda da imaxe), e ó outro estaba o escaparate. Hoxe, a porta está no centro cunha ventá a cada lado. O edificio situado á dereita da imaxe, entón albergaba o Banco Central no seu baixo; posteriormente foi a Alacena Galega, e hoxe, é un edificio de vivendas propiedade do Bar París. Á esquerda da imaxe vese un trozo do "Bar Piélago" (pechado xa hai anos).

FOTO: FRAN/JAVI C./SANTÍN. Bar París hoxe, coa porta no centro da entrada.

FOTO: COLECCIÓN CONCELLO.  O accidente tivo lugar a finais dos setenta, cando o Bar París apenas levaba un mes aberto.

TEXTO: JAUJA. Situada na avenida de Navia con rúa Aldara, é unha  das casas máis significativas de Becerreá. Data do ano 1875, como pode lerse no cartel. Está construída con sillería, pizarra e caliza, e ten unha gran galería orientada cara o sur. A casa non variou a súa forma, aínda que sufriu unha pequena restauración (galería e balcóns). A fachada tiña e ten a pedra vista. É un dos seis edificios do casco urbano que conta con protección integral.

FOTO: JAUJA. Casa de Soto co ano de construción sobre a galería.

FOTO: COLECCIÓN CONCELLO. Casa de Soto en 1875

TEXTO: FRAN/CHAO /SANTÍN. Esta casa atópase baixando as escaleiras do gran restaurante "Bar Correos. Hoxe está totalmente abandonada, en ruínas e cuberta de maleza. A foto de antano ten que ser moi antiga, dunha famila pudente, como se aprecia polo aspecto das persoas na ventana e o estado impecable da galería. Posteriormente, nos anos cincuenta, viviu o médico Antonio Puente. O esplendor de antano, tornouse hoxe en decadencia, no mesmo núcleo urbano de Becerreá. 

FOTO: FRAN/CHAO/SANTÍN. Estado actual en ruínas da casa de Puente

FOTO: COLECCIÓN CONCELLO. Imaxe antiga cunha galería nova e a xente trasmite a riqueza e esplendor da familia

TEXTO: FRAN/JAVI C./SANTÍN. O reloxio é o único que se conserva do vello edificio do Concello, aínda cunha orientación distinta. Ata os anos setenta funcionou no vello concello; despois botou varios anos no sótano dos xulgados ata que foi colocado no edificio novo. O mecanismo, de máis de cen quilos de peso, data do ano 1884. Foi construído por Canseco, un reloxeiro de Rabanal del Camino, no Bierzo. Custou 3.526 pesetas da época. A campá pesa 150 quilos e está coroado por un cataventos con forma de galo. Soa cada hora e repite os toques cada dous minutos. Tamén dá as medias.

FOTO: FRAN/JAVI C./SANTÍN. Reloxo no edificio novo do Concello, na fachada norte que da á praza, pero que non é a principal.

FOTO: COLECCIÓN CONCELLO. Reloxo no seu emprazamento orixinal, no vello Concello, onde estivo ata os anos setenta.