Escultura

Estación Marítima e Monumento á emigración

Monumento deseñado por Ramón Conde que representa a un home, a piques de embarcar, coa súa familia a uns metros del, despedíndose. A obra representa un feito dramático na historia de Galicia, a emigración. O conxunto escultórico, realizado en bronce, foi inaugurado en 2011. A ubicación deste monumento non é casual xa que este era o punto desde o que partiron moitos galegos rumbo a América a mediados do s. XIX . As necesidades da época obrigaron a moitas familias a separarse e emigrar en busca de novas oportunidades. Segundo as palabras do propio autor a obra “reflexa ao emigrante cargado de ansia e de forza que vai á loita descoñecida, á muller que se queda ao cargo da educación do fillo e ao neno que é a imaxe da esperanza”. Curiosamente, o conxunto escultórico recibe hoxe en día a miles de cruceristas que desembarcan no Porto de Vigo para visitar a cidade, moitos deles son descendentes daqueles que partiron anos atrás para “facer as américas”.

Concello, Comarca ou Provincia

Monumento ao Traballo

Os mariñeiros de Ramón Conde na Gran Vía

 

O Monumento ao traballo é o gran monumento de Vigo: fala do seu orgullo como cidade industrial, da súa xente traballadora, do seu vínculo co mar… A escultura de Os Redeiros, como se coñece comunmente, é unha dos nosos sinais de identidade. Esta obra de Ramón Conde, é un dos monumentos máis rechamantes de Vigo, tanto polo seu tamaño como pola representación épica dos 7 mariñeiros que tiran dunha rede para sacar os peixes do mar.

Instalada a comezo da Gran Vía, unha das principais rúas da cidade, este gran monumento vigués rende homenaxe ás duras vidas dos traballadores do mar desde os seus 8,50 m de alto e os seus 3 m de longo.

 

Concello, Comarca ou Provincia

Monumento a Paco Martín

O Monumento a Paco Martín está desleixado, abandoado, e pretende ser unha pedra Rosseta para que no futuro se saiba como era o galego...

Imposible de descifrar. No mapa non saben nin que existe.

Pero sabemos que quere dicir e o dicimos:

"Eiquí, onde é o Lugo noso, onde nacín e onde aínda nazo algo cada día, soubémonos sempre viaxeiros ás portas dun vello camiño fadado, dun vieiro antigo que foi, se cadra demasiadas veces, camiño de ida, camiño de marchar lonxe sen a certeza dun retorno desexado.

Por ese sendeiro andei eu a carretar todos estes anos o espello cativo da miña escrita coa pretensión de volverlles algo do que sempre fora de seu a aqueles que eiquí quixeron concederme o don prodixioso da fala nosa."

                                                                                                   Paco Martín

Grazas, Paco

Paco Martín na Galipedia

Concello, Comarca ou Provincia